اردو میڈیم ٹیچرس کے لئے تقریری مقابلہ

حیدرآباد۔۳۰؍ ستمبر(راست) خواجہ کمال الدین صدر ’’مرزا فرحت اللہ بیگ اکیڈیمی‘‘کے بموجب اردو میڈیم معلم و معلمات کے لئے ایک تقریری مقابلہ بعنوان’’ مجتبیٰ حسین کیا لکھتے ہیں اورکیوں لکھتے ہیں‘‘ اکٹوبر ۱۴ کے دوسرے ہفتہ میں منعقد ہوگا۔تاریخ ، مقام اور وقت کا اعلان عنقریب کیا جائیگا۔ طنز و مزاح کے ممتاز قلمکار مجتبیٰ حسین سے متعلق یہ تقریری مقابلہ ہوگا۔پہلا انعام تین ہزار روپے، دوسرا انعام دو ہزار روپے،تیسری انعام ایک ہزار



روپے، چوتھا انعام پانچ سو روپے ہوگا اس کے علاوہ تقریری مقابلہ میں شریک ہونے والے تمام اردو میڈیم ٹیچرس کو تحفتاً کتابیں پیش کی جائیں گی۔مقابلہ میں حصہ لینے کے لئے اپنے ناموں کا اندراج ان فون نمبرات پر کرواسکتے ہیں معتمد مرز ا فرحت اللہ بیگ اکیڈیمی جناب اطیب اعجاز 9849339588 اور صدر اکیڈیمی جناب خواجہ کمال الدین صاحب سے 9701722585 پر ربط کیا جا سکتا ہے۔نائب معتمد محترمہ عاصمہ خلیل نے اردو میڈیم ٹیچرس سے خواہش کی ہے کہ وہ اس مقابلہ میں شرکت فرمائیں۔